Pombais de Corcubiom
O Pombal é umha construçom com finalidade praticamente ornamental que aparece como edificaçom anexa aos paços, casas grandes, mosteiros ou casas reitorais.
Normalmente som construçons isentas, em lugares próximos e altos, abrigados dos ventos dominantes e sem árvores arredor para que nom assentem aves de rapina.
No Concelho de Corcubiom há dous exemplares no núcleo urbano: no Campo de Santo António e na Agra da Ribeira.
Os dous som de tipologia de planta cilíndrica, com muros em volta de cachotaria de pedra, umha pequena porta de acesso e umha coberta cónica de telha. A parte alta da parede remata numha peça de pedra, a soleira, sobre a que vam uns pequenos buracos para a entrada das pombas.
Corcubióm
Câmara Municipal
Sede Electrónica
Turismo
Boletim