Edifício José Carrera
Localizaçom: Praça José Carrera, 1.
Cronologia: 1924.
Estilo: Ecléctico.
Autores: Eduardo Rodríguez Losada e Rebellón.
Este edifício é um exemplo de Arquitectura de Indianos e nasceu pola vontade do filantropo corcubionês José Carrera Fábregas de criar um centro de ensino na sua vila natal.
Foi construído originalmente para servir como umha Escola Prática de Artes e Ofícios. Por isso, segue a tipologia das instituiçons escolares da época. Tem um corpo central quadrado que conecta as duas alas dispostas simetricamente, nas que se dispunham as salas de aulas. A Capela, que se encontrava no centro da fachada, era o elemento que marcava a divisom do espaço.
Em 1967 fijo-se umha remodelaçom e ampliaçom e outra no 2001 ficando o edifício como o vemos na actualidade.
Actualmente este edifício acolhe a Casa do Concelho de Corcubiom e outras dependências públicas.
