CULTURA | O DESEMBARCO

REPRESENTACIÓN DO DESEMBARCO DAS TROPAS DO ARCEBISPO RODRIGO DE LUNA E DA LOITA COS CABALEIROS DOS CONDES DE ALTAMIRA EN CORCUBION NO ANO 1457

Este 28 de xullo de 2023, ás 20:30 horas terá lugar O DESEMBARCO

Corcubión un ano máis volverá ser invadido dende o mar, pero a diferenza do ano 1457, desta vez, con carácter lúdico e co fin de rememorar o desembarco das tropas do arcebispo Rodrigo de Luna que en dita data, intentou conquistar a vila.

Non contaban cun pobo valente que soubo defender a vila, como agora defende a súa tradición e história.

Este proxecto está cofinanciado pola Deputación da Coruña, que concede unha axuda orzamentaria extraordinaria coa finalidade de poñer en valor esta actividade singular, que supón unha exaltación da cultura popular da provincia.