Aumentar texto Diminuír texto Reiniciar texto

Cando vir

Corcubión e máis extensamente o occidente galego é un territorio que se pode visitar todo o ano, presentando diferentes caras e atractivos ao visitante segundo a época:


Primavera (do 21 de marzo ao 20 de maio)

Paseo de Corcubión

Unha das épocas máis fermosas para visitar a Costa da Morte. O despertar á vida da natureza faise máis evidente nunha zona case virxe como a nosa.

As temperaturas suben con respecto ao inverno, con temperaturas medias superiores aos 10 graos, pero a chuvia segue sendo un elemento habitual.

Os visitantes atoparán a comarca sen tantos visitantes como en verán, polo que é unha época inmellorábel para disfrutar da nosa natureza. Con todo, recomendamos traer roupa de chuvia para as actividades ao ar libre.

En Corcubión, a festa máis importante desta estación é a de San Marcos, o patrón da vila, que se celebra o 25 de Abril.

Tamén é importante na bisbarra a celebración da Semana Santa, tendo especial relevancia a Semana Santa de Fisterra.


Verán (do 21 de maio ao 20 de setembro)

Praia de Quenxe (Corcubión)

Nesta época, nomeadamente nos meses de xullo e agosto, chega a maior parte de visitantes á nosa terra.

O clima segue sendo morno, con temperaturas medias ao redor dos 20 graos. Tampouco é descartábel que chova, aínda que é moito menos probábel que no resto do ano.

Nesta época pódense compaxinar as visitas culturais co disfrute da natureza, e máis concretamente con todo o relacionado co mar e as praias. É o mellor momento para disfrutar dos deportes naúticos en Corcubión.

A festa con máis sona ultimamente en Corcubión e a que máis visitantes achega a nosa vila é o Mercado Medieval, que se celebra a terceira semana de xullo. Durante un fin de semana, a vila convértese nun Mercado Medieval e o pobo participa vestido con roupas de época e disfrutando de todos os postos de venda que enchen as rúas do conxunto hístórico da vila.

Ademais da feria medieval, en verán é cando se celebran a maior parte das festas e celebracións de Corcubión, así como en toda a Costa da Morte.


Outono (do 21 de setembro ao 20 de decembro)

Fachada ao mar de Corcubión

Para moitos, a mellor época para visitar a bisbarra. A maioría dos turistas marchan. A gama de castaños, aos poucos, vai alternando co verde e facendo que a saudade se instale na paisaxe.

O clima é semellante ao de primavera, con temperaturas medias superiores aos 10 graos e precipitacións menos copiosas que en inverno, pero habituais.

O principio do Outono tamén é un bo momento para disfrutar da nosa natureza.

En Corcubión, esta época comeza coa tradicional festa da Virxe das Mercés (24 de setembro), que tradicionalmente serve para despedirse dos visitantes do verán.


Inverno (do 21 de decembro ao 20 de marzo)

Praia de Quenxe

O clima nestas terras é bastante moderado, polo que en inverno raramente se baixa dos 10 graos. Tamén hai que ter en conta a chuvia, que adoita ser abundante e que propicia o verdor destas terras.

No inverno a festa que máis se celebra na nosa bisbarra (ademais do Nadal) é o antroido, que se celebra en toda Galiza de maneira especial. Na nosa bisbarra ten especial sona o antroido de Fisterra.

Tamén é tradicional desta época a gastronomía relacionada co entroido, como o cocido, as filloas ou as orellas.

II Plan de Igualdade
Perfil do Contratante
Regulamento de uso do idioma galego
Biblioteca Municipal
Radio Neria
Sede Electrónica Administración Electrónica - Trámites
Boletín
Introduce o teu e-mail: