Aumentar texto Diminuír texto Reiniciar texto

Castelo do Cardeal

Castelo do Cardeal

Localización: Punta Pión.

Cómo chegar: Seguir a estrada en dirección a Fisterra até chegar ao cemiterio de Corcubión. Logo continuar por un desvío á esquerda que se atopa xusto ao pé do cemiterio e a urbanización As Hortensias e que chega até o cabo Cee. A 2 Km desde o desvío está o castelo, nunha pequena vía de acceso á esquerda da estrada.

Cronoloxía: Segunda metade do século XVIII.

Autor: Comézase a construir baixo a dirección de La Ferrieri e é rematado por Francisco Llovet e Carlos Lemaur.

Situación Xurídica: Propiedade privada en uso.

A estratéxica localización do porto de Corcubión convertíao en obrigada parada das expedicións que se dirixían cara o Norte de Europa ou o Mediterráneo. Esta enseada utilizábase tamén para facer incursións de saqueo nas vilas do interior.

Por iso, a partir do século XVII comezouse a pensar na necesidade de facer fortificacións nesta ría. Para iso construíron o Castelo do Príncipe na Ameixenda (Cee), o Castelo de San Carlos en Fisterra e o Castelo do Cardeal no noso Concello.

O Castelo do Cardeal forma parella co Castelo do Príncipe, na Ameixenda, situado ao outro lado da ría, permitindo, mediante fogo cruzado a súa defensa. Unha lenda local fala dunha cadea que uniría ambas fortificacións, esta ao ser tensada impediría o paso das naves inimigas.

A dotación desta fortificación era de doce cañóns montados e tiña capacidade para noventa e seis homes.

II Plan de Igualdade
Perfil do Contratante
Regulamento de uso do idioma galego
Biblioteca Municipal
Radio Neria
Sede Electrónica Administración Electrónica - Trámites
Boletín
Introduce o teu e-mail: